''Klubun taktiki planlarını rəqib baş məşqçilərə ötürüb'' - Türkiyədə şok qalmaqal

Tarix: 4 Noyabr 2025 12:12

"Antalyaspor" klubunun baş məşqçisi Erol Bulut komandada ciddi nizam-intizam pozuntusunun baş verdiyini açıqlayıb.

Sonxeber.net Türkiyə mətbuatına istinadən xəbər verir ki, Bulut ötən həftə Türkiyə Superliqasında "Başakşəhər"lə qarşılaşmadan əvvəl klub daxilindən rəhbərlik və taktiki məlumatların rəqibin baş məşqçisi Nuri Şahinə ötürüldüyünü iddia edib.

Mütəxəssis bildirib ki, oxşar hal noyabrın 3-də "Eyüpspor"la keçirilən səfər oyunu öncəsi də təkrarlanıb:

"Bütün taktiki planlarımız, topla necə oynayacağımız, hücum strategiyamız - hər şey "Eyüpspor"un baş məşqçisinə çatdırılıb. Klubun çörəyini yeyib xəyanət edənlər komandadan uzaqlaşdırılmalıdır. Onun kim olduğunu yaxın zamanda tapacağıq".

Xatırladaq ki, "Antalyaspor" ev oyununda "Başakşəhər"ə 0:4 hesabı ilə məğlub olub, "Eyüpspor"la səfər görüşündə isə 1:0 hesabı ilə qələbə qazanıb.

Hüseyn